കേരളമെന്നു കേട്ടാലോ....?

നാടു നന്നാക്കുവാന്‍ നാട മുറിയ്ക്കുന്ന
നാടുവാഴികൾ  നാടു വാഴുന്ന കേരളം!
നാടു നാനാവിധമാക്കുന്ന രാഷ്ട്രീയ-
പ്പാർട്ടികൾ  കൂത്തരങ്ങാടുന്ന കേരളം!
നാണമില്ലാത്തോനാണെങ്കിലിന്നവൻ 
നാടു ഭരിയ്ക്കുവാനുത്തമനാണത്രെ!
വാക്കു പാലിയ്ക്കാത്തോനാണെങ്കിലായവൻ 
വീരനാം കേരളരാഷ്ട്രീയനായകൻ !
വിദ്യയിൽ  സംപൂജ്യനെന്നാകിലോ നാടിന്‍റെ-
യുത്തമനാം മുഖ്യനായിടും നിശ്ചയം!
രാഷ്ട്രീയ ഗുണ്ടകൾ  കൊടികുത്തി വാഴുമീ 
"ദൈവത്തിൻ  നാടി"ന്നവസ്ഥ  ഹാ കഷ്ടം!
ആരുണ്ടു നാടിനെ രക്ഷിച്ചെടുക്കുവാ -
നാരുണ്ടു നാടിനെ നേരെ നയിയ്ക്കുവാൻ ?
പുത്തൻ  തലമുറയ്ക്കാകുമോ നാടിന്‍റെ
നാരായവേരിനെ  രക്ഷിച്ചെടുക്കുവാൻ?
മായയിൽ  നിന്നുമുണരിൻ  യുവത്വമേ,
നാശത്തിൽ  നിന്നുമീ നാടിനെ രക്ഷിയ്ക്ക!