Saturday, September 4, 2010

Two poems for children

Integrity


Our integrity is the mirror image of our character
Our character is reflected in our actions
Our actions are designed by our thoughts
Our thoughts are purified by our sincerity
Our sincerity can be proved by our transparency
Transparency is the outcome of our openness
Openness can be enabled by our truthfulness
Our truthfulness proves that we are honest
Being honest can make us reliable
This is the way we can safeguard our integrity

           *******************

Oh Lord!


Oh Lord!
I am at your feet.


Make my thoughts fresh and clear
Make my mind that much pure

Kill my ego
Kill my arrogance
Let me know that I am very small


Give me pains that make me big
Make me proud by serving you


Wake me up
Wake me up
Wake me up from ignorance


Make my soul get purified
From all the sins of this world
So that I can touch your feet

When we meet in the Heaven


Oh Lord!
I am at your feet.
                     *****************

നേർക്കാഴ്ച

മറക്കുവാനാവില്ലൊരിയ്ക്കലുമക്കാഴ്ച
അന്ധരാം കുഞ്ഞുങ്ങൾ  തന്നൊരു നേർക്കാഴ്ച..
അന്ന് ഞാൻ  കണ്ടൊരു പൈതലിൻ  പൂമുഖ-
മിന്നുമെൻ  നെഞ്ചിൽ  നെരിപ്പോടെരിയ്ക്കുന്നു.


അന്ധവിദ്യാലയം തന്നിലെ ബെഞ്ചിലായ്

ഭക്ഷണമേശ തൻ  മുന്നിലിരിപ്പവൾ 
ഭക്ഷണം കാത്തിരിപ്പാണവൾ  മൂകമായ്
അന്ധകാരമുറയും മിഴിയുമായ്..
ചോറു വിളമ്പിയെന്നായമ്മ ചൊല്ലവേ
തെളിയുന്നിതാ മുഖം കൈതവമെന്നിയേ
ഭക്ഷണം നീട്ടിയോരായമ്മ തൻ  വിരൽ 
ചുണ്ടിൽ  സ്പർ ശിക്കവേ വായ്‌ തുറക്കുന്നവൾ 
സ്പർശനം കാഴ്ചയായ് മാറുന്ന വേളകൾ 
സ്പർശനത്തിൻ  നേരറിയുന്നു പൂമകൾ !


കൃഷ്ണമണികളിളകുന്നു നിർജ്ജീവം,

കൺപോളയിടെയിടെ ചിമ്മിയടയുന്നു.
കൺ കൾ  മിഴിയ്ക്കുന്നു, കാഴ്ചയ്ക്കു പരതുന്നു
അന്നം നുണയവേയാ പിഞ്ചു പൈതൽ .


വീണ്ടുമന്നത്തിനായ് വായ്‌ തുറക്കുന്നവൾ 

ആയമ്മ വേറെങ്ങോ പോയതറിയാതെ
തൻ  തല ചായ്ച്ചും ചെരിച്ചുമാപ്പെൺ  പൈതൽ 
അന്നമൂട്ടുന്നൊരാ കൈകൾ  തിരയവേ
ചുണ്ടുകൾ  മേശ മേൽ  സ്പർശിച്ചിടുന്നുവാ
സ്പർശനം അന്നമാണെന്നു നിനച്ചവൾ  
മേശ തന്നരികു കടിച്ചു ചവയ്ക്കുന്നു
തെറ്റിയേന്നോർത്തങ്ങു ഞെട്ടി മാറുന്നു!
അന്നമല്ലെന്നറിയുന്നൊരാ  നേരത്തു
ഖിന്നയായ് ചുണ്ടുകൾ പിൻ വലിച്ചീടുന്നു..
പിന്നെയും തന്നിരുൾ  മൂടിയ മിഴികളാൽ ,
കൈകളാലന്നം തിരയുന്നിതാ പൈതൽ ..

ജീവിതത്തിന്റെയാ നേർക്കാഴ്ച കാൺകവേ-
യൊരു മാത്ര ഞെട്ടിത്തരിച്ചു ഞാൻ  നിന്നുപോയ്!
ആർ ചെയ്ത പാപമീ പിഞ്ചു പൈതങ്ങൾ  തൻ 
പൊൻ നിറക്കാഴ്ച്ചകൾ  തട്ടിപ്പറിച്ചിതോ? 
കൈതവം കാണാത്ത ജന്മങ്ങളാകുവാൻ 
ഈശ്വരനേവമറിഞ്ഞു സൃഷ്ടിച്ചതോ!


നേരിന്‍റെ നേർക്കെന്‍റെ മിഴികളെയിറുകെ-
പ്പൂട്ടി ഞാൻ  പോരുന്നു മൂകം നിശബ്ദം
ജീവിതത്തിന്നിരുൾ  പാതയോരത്തു പിന്നെയും
തെളിയുമാ പൈതലിൻ  പാഴ് മിഴി മാത്രം..  

Wednesday, September 1, 2010

കേരളമെന്നു കേട്ടാലോ....?

നാട് നന്നാക്കുവാന്‍ നാട മുറിയ്ക്കുന്ന
നാടുവാഴികൾ  നാട് വാഴുന്ന കേരളം!
നാട് നാനാവിധമാക്കുന്ന രാഷ്ട്രീയ-
പ്പാർട്ടികൾ  കൂത്തരങാടുന്ന കേരളം!
നാണമില്ലാത്തോനാണെങ്കിലിന്നവൻ 
നാട് ഭരിയ്ക്കുവാനുത്തമനാണത്രെ!
വാക്കു പാലിയ്ക്കാത്തോനാണെങ്കിലായവൻ 
വീരനാം കേരള രാഷ്ട്രീയ നായകൻ !
വിദ്യയിൽ  സംപൂജ്യനെന്നാകിലോ നാടിന്‍റെ-
യുത്തമനാം മുഖ്യനായിടും നിശ്ചയം!
രാഷ്ട്രീയ ഗുണ്ടകൾ  കൊടി കുത്തി വാഴുമീ 
"ദൈവത്തിൻ  നാടി"ന്നവസ്ഥ  ഹാ കഷ്ടം!
ആരുണ്ടു നാടിനെ രക്ഷിച്ചെടുക്കുവാ -
നാരുണ്ടു നാടിനെ നേരെ നയിയ്ക്കുവാൻ ?
പുത്തൻ  തലമുറയ്ക്കാകുമോ നാടിന്‍റെ
നാരായവേരിനെ  രക്ഷിച്ചെടുക്കുവാൻ?
മായയിൽ  നിന്നുമുണരിൻ  യുവത്വമേ
നാശത്തിൽ  നിന്നുമീ നാടിനെ രക്ഷിയ്ക്ക!

Tuesday, August 17, 2010

തറവാട്



വേറിട്ടു നിന്നൊരാ വീടിന്നു   മണ്ണിലായ്   
വേരറ്റു വീണു കിടക്കുന്നു മൂകമായ്
                 തലമുറകൾക്ക്  തണലായ്‌ ചിരകാലം
                 നിന്നൊരാ വന്മരം  വേരറ്റു  കിടക്കുന്നു
വേദനയില്ലെന്നു ഭാവിച്ചിടുകിലും
വേദനിച്ചീടുന്നു വ്യർത്ഥമെൻ  മാനസം
                എത്ര തിരുവോണമെത്രവിഷുക്കാല -
                മെത്രയവധികളെത്ര വികൃതികൾ !


കുളിരോലുമിറയത്തിരിയ്ക്കുന്നുവോർമ്മകൾ 
കാറ്റിലിളകുന്നു തെങ്ങോലത്തുമ്പുകൾ 
               കറ്റക്കതിരുകൾ  കൊയ്തു നിറച്ച്ചിട്ട
               തെക്കോറത്തിണ്ണയിലൊറ്റയ്ക്കിരുന്നതും
കശുമാവ് പൂത്തതിൻ  ഗന്ധമെന്നിന്ദ്രിയ
മാകവേയനുഭൂതി വാരി നിറച്ചതും
              സർപ്പങ്ങൾ   വാഴുന്ന കാവിലിലഞ്ഞി തൻ 
              പൂക്കളാൽ മാലകൾ കോർത്തു നടന്നതും
ഭജനമുറിയിലെ ദൈവങ്ങളെന്നുള്ളിൽ 
നന്മ  തൻ  നാമങ്ങളോതി നിറച്ചതും....
              ഓർമ്മകൾ തൻ  നിര നീളുന്നുവെങ്കിലും
              വേദനിച്ചീടുവാനില്ലെനിക്കർഹത
പൈതൃകം ബാധ്യതയെന്നു കരുതുന്നോ-
രിന്നിൻ പ്രതിനിധിയാകുന്നു ഞാനും...