ദക്ഷിണായനം എന്നാൽ സൂര്യൻറെ തെക്ക് ദിശയിലേക്കുള്ള യാത്ര. സൂര്യൻറെ ഉത്തരായനവും ദക്ഷിണായനവും ഇട മുറിയാതെ സംഭവിച്ചുകൊണ്ടേ ഇരിക്കുന്നു. ജനിച്ചു വീണ നിമിഷം മുതൽ മനുഷ്യനും യാത്രയിലാണ്. നേടി എന്ന അഹങ്കാരവും പോര എന്ന അതൃപ്തിയുമായി, മോഹിപ്പിക്കുന്ന മായാമരീചികയ്ക്കു പിന്നാലെ മനുഷ്യൻറെ തെക്കോട്ടുള്ള യാത്ര. മായയിൽ നിന്ന് പരമ സത്യത്തിലേയ്ക്ക്... മരണമെന്ന പരമ സത്യമാകുന്ന മരുപ്പച്ചയിലേയ്ക്ക്...A Journey From Mirage To Oasis...
.jpg)
അത്തം കൊടികേറീ
ഒപ്പം മഴയെത്തി
ഈറൻ തുകിൽ ചുറ്റി
പൂക്കൾ തലയാട്ടി.
മഴ നിന്നാറാടി,
പകലോനും വാടി.
കുളിരിൽ വിറകൊള്ളും
ഇതളിൻ തുമ്പാട്ടി
പൂക്കൾ ചോദിച്ചൂ,
അത്തം ഇന്നല്ലേ?
വൃത്തക്കളമില്ലേ?
തണവാറ്റാനുള്ളിൽ
കയറിയിരുന്നോട്ടെ?
അത്തക്കളമൊന്നിൽ
ഒന്നിച്ചിടതിങ്ങി
പമ്മിയിരുപ്പുണ്ടേ
പുത്തൻപുതുപൂക്കൾ.
പൂമുഖമിരുളേണ്ട,
മഴ വന്നേ പോട്ടെ.
അത്തമിരുണ്ടാലും
പത്തിനു വെയിലല്ലേ
No comments:
Post a Comment