നിർമ്മലഭക്തിയാമവൽ -
പ്പൊതിയുമായ് നിൽക്കയാ -
ണയുതമയുതം കുചേലർ
വരിയായ് ഗുരുപവനപുരിയിൽ ...
അകത്താദ്യമെത്തിയ്ക്കാ -
മയുതം പണം കൊടുത്തൊരു
നെയ് വിളക്കാക്കുകിൽ,
വിളിയ്ക്കയാണമ്പലംവിഴുങ്ങികൾ!
പുലരുംമുമ്പിടം പിടിച്ചുവീ
വരിയിലെന്നാകിലുമാകില്ല
കണി കാണുവാനിക്കുചേലനു
നിൻ നിർമ്മാല്യരൂപം, ഹരേ!
"പത്രം പുഷ്പം ഫലം തോയം"
ഭക്തിയുതമർച്ചനം ചെയ്തിടാം,
കുചേലമിത്രമാം കൃഷ്ണ! നീ -
യറുതി വരുത്തുകീ ദുർഭരണം.
*******************************
#കുചേലദിനം
(ധനുമാസത്തിലെ ആദ്യബുധനാഴ്ച)
No comments:
Post a Comment