മൂകാംബികാസ്തുതി

മൂകനാം മർത്ത്യനും വാക്കിൻ കൃപാവരം
നീട്ടുമെൻ മൂകാംബികേ തൊഴുന്നേൻ!

സംസാരമാകുമാരണ്യമദ്ധ്യത്തിലും 

ആത്മപ്രകാശം തെളിയ്ക്കുമമ്മേ

അഷ്ടരാഗാസുരവർഗ്ഗങ്ങളാൽ സദാ 

കഷ്ടത തിങ്ങുമീ കാനനത്തിൽ 

ദർപ്പനാശം വരുത്തീടുവാൻ സർവദാ 

കൂട്ടായിരിക്കണം സർവ്വാത്മികേ 

കെട്ട വാക്കിൻ വിളയാട്ടത്തിനാക്കാതെ-

യെന്നുടെ ജിഹ്വയിൽ കീലകമായ് 

വർത്തിച്ചിടേണമോം ശക്തീ പരാശക്തി 

സദ്ഭാവനാമൃതദാനേശ്വരീ 

തായ കാട്ടും  മഹാമായകൾ  തന്നുടെ-

യന്തരാർത്ഥങ്ങൾ ഗ്രഹിച്ചീടുവാൻ 

ഉൾക്കണ്ണിലുൺമയായ്‌  വാഴണമംബികേ 

നാരായണീ ശിവേ  നാദാത്മികേ!

ദേവീ മൂകാംബികേ വിദ്യാസ്വരൂപിണീ 

വേദാത്മികേ സദാ കൈ തൊഴുന്നേൻ!!