സ്വർഗ്ഗവാതിൽ

ഹൃത്തിലുണ്ടൊരു വൈകുണ്ഠം,

അങ്ങുണ്ടെനിക്കൊരു പ്രിയമിത്രം.

എത്തുമിന്നെന്നെന്നും ഞാൻ

വാക്കു ചൊല്ലുമ്പോഴെല്ലാം

ശാന്തമായ് ചിരി തൂകിക്കൊ-

ണ്ടാത്മമിത്രമുരയ്ക്കുന്നു;

"കാത്തിടാ,മീ ഗേഹം വി-

ട്ടെങ്ങു പോകാൻ നിൻ മിത്രം?!

എപ്പൊഴെത്തി വിളിച്ചാലും

അപ്പൊഴെത്തും നിന്നരികിൽ 

എത്ര വൈകിലുമൊരുനാൾ നീ

എത്തുമെന്നുടെ സവിധത്തിൽ

എന്നതിന്നൊരു സന്ദേഹം

ഇല്ലൊരിക്കലു,മതുമൂലം

നിത്യമിങ്ങു വസിക്കുന്നു

നിൻ്റെ ഹൃദ്-വൈകുണ്ഠത്തിൽ;

വന്നുചേരുക വൈകാതെ

സദ്മാർഗ്ഗമാത്മസ്വരൂപത്തിൽ".